Þó ég sé fædd og uppalin á Ísafirði og alltaf Ísfirðingur í hjarta hef ég búið lengst af í Hafnarfirði eða frá árinu 1999 (með smá hléum) og hef þangað ættir að rekja. Það rennur því stolt hafnfirskt blóð um mínar æðar - og bæði börnin mín bera millinafnið Hafnfjörð.
Myndin er gerð eftir ljósmynd sem ég tók í göngu í miklu frosti og stillu. Nýleg kennileiti áberandi, Norðurbakkinn og Hafrannsóknarstofnun setja fallegan svip á sjóndeildarhringinn en mér finnst húsið sem hýsir Hafró sérstaklega skemmtilegt.
